UMUMIY BO'LIM
|
She'riyat dunyosi
|
Mavzu:
Qaraqalpaq shayirlari qosiqlari!
Mavzu fayllari
(0)
POEZİYA JULDIZINA Jıllar asaw attay, bizdi uzaqqa Alıp qashıp barar keshi- ku’ndizi, Jerde jang’an otlar so’ner, biraqta Sen so’nbeysen’, Poeziya juldızı. «İnsanlar o’z da’rtin gu’n’irenip ju’rsin», Dep ta’n’irim sag’an bergendi tilsim, Adam juldızlardın’ tilin ne bilsin, Sen bolmasan’, Poeziya juldızı? Tawlar bulaq ko’zin ko’mbese eger, Adamlıq pazıylet o’lmese eger, A’rman juldızları so’nbese eger, Sen so’nbeysen’, Poeziya juldızı. Jasıl japıraq samal menen oynasa, Ashıqlıq ıshqıdan kewil toymasa, Gu’ller g’umshalansa, bu’lbil sayrasa, Sen janasan’ Poeziya juldızı. «G’alawıtlı ha’m bul go’zzal du’nyanı Ta’rk etken shag’da da shayırdın’ janı, Biyik ko’kten sa’lem jollap mudamı, Jan u’stimde, Poeziya juldızı! (Ibrayim Yusupov) [b]3.0333333333333 daqiqadan so`ng qo`shdi...[/b] QARLIG’ASH Jaslay jang’a jaqın en’ sulıw tilde, Ku’yip-pisip, sayrap turg’an qarlıg’ash! Ne dep turg’anın’dı tu’sinbesem de, Mag’an da’rkar emes sen ushın dilmash. İnsang’a u’yirsek qussan’ a’zelden, Sulıw su’wretin’ bar qa’lem sızg’anday. Qanatların’ qayshı menen gu’zelgen Pa’kligin’e perishteler qızg’anday. Ne degen jag’ımlı na’zik ha’m ko’rkem Til menen sayraysan’ ketkenshe esin’. Beyish hawazınan ilhamlanıp sen, Oqıysan’ «Leylatul qadir» su’wresin. Namrud firg’awnnın’ gu’lxanı janıp, Aspanı-falekti jalınlatqanda, Payg’ambardı u’lken saqpang’a salıp, Gu’rlep jang’an ot ishine atqanda, - Sen suw tasıp kirttay tumsıg’ın’ menen, Otqa suw sepkensen’ shırıldap ju’rip. Payg’ambar eljirep shın ju’reginen, Sag’an duwa qılg’an bul isti ko’rip. «Haq niyetin’ menen atqarsan’ qalıs, Jaqsılıqtın’ u’lken-kishisi bolmas», Degen ibratlı so’z a’zeliy tanıs Sonnan qalsa kerek bizge, qarlıg’ash. Sa’wirdin, samalı menen ba’ha’rde A’ynegimnen kirip keler edin’ sen. Tamnın’ ag’ashına, qa’wipsiz jerge Jubaylasıp uya salar edin’ sen. Shımshıq an’lıytug’ın targ’ıl pıshıq ta Sag’an ma’lel bermey ko’z jumar edi. Siyrek ko’rinesen’ sen son’g’ı waqta, Qashqanın’a qanday sebep bar edi? Awa, biz insapsız qattıg’a ketip, Ayawsız uwladıq jer, suw, hawanı. Ana-ta’biyatqa qıyanet etip; Endi tartpaqtamız onın’ zawalın ... Balalıq shag’ımnın’ o’jiresine Seni alıp kirgen ko’klemgi quyash. Kel, ashıq kewlimnin’ pa’njiresine Tartınbay uya sal, sulıw qarlıg’ash. (Ibrayim Yusupov) [b]3.65 daqiqadan so`ng qo`shdi...[/b] JAN’ALAN, DOSTIM... (Qasım Nurımbetovqa) Jurtqa aytpag’an sırımdı, Aytayın sag’an, dostım: Zamanın’ jan’arg’anda, Sen de jan’alan, dostım. Eskilik tozıp barar, Jan’alıq - ozıq bolar. O’zin’ jan’arıp barsan’, O’mirin’ qızıq bolar. Arttırıp aybatın’dı, Ayama g’ayratın’dı, Jan’a toplımg’a qos, Qamshıla g’ıyratın’dı. Jan’arg’an waqta zaman, Jan’arsın sezim - sanan’. Jan’a joldı jatırqap, Go’nen’e bolma alan’. Du’nya - degishli da’rya, Tınbay o’zgeredi. Keshe esitkendi Bu’gin ko’z ko’redi. Jurt jan’a kiyim kiyse, Jan’ala kiyimin’di. Jan’ala da’rkar bolsa, U’y-da’ske, buyımındı. Tozig'i jetse, o’zgert Tısındı- astarın’dı. Biraq, jan’alay ko’rme, Sen eski dosların’dı. Dos arttır jan’a a’wladtan, Jatırqamasın o’zin’di Lekin, eski doslardan Bura ko’rme ju’zin’di. Jan’ası qızıq, a’wesek, Jan’a dos jaqsı bolar. Biraqta mendey bolıp, Seni tu’sinbes olar. Qansha jasasan’, qasın’da Su’ygen qostarın’ bolsın. Jan’a zamanlarda da Eski dosların’ bolsın. Jasawdın’ qızıg’ı joq O’zin’nen bo’lek mag’an. «Ha’y, shayır! Kelmey kettin’-g’oy!»... Degenin’ kerek mag’an. Derek | Poeziya.lark.ru
Yuklab olish
Onlayn 223 (1/222)
Forumga a'zo bo'lish
Forumdan qidirish
Bosh sahifa